Avataaneersunik niueqateqarneq
Titartagaq 1-mi takuneqarsinnaavoq avataanit eqqussuinerup avataanullu annissuinerup BNP-mut sanillersuunnera 2003-miit 2011-mut. Tassani takuneqarsinnaavoq avataanit eqqussuineq avammut niuernermiit BNP-mut sanilliullugu annertunerungaatsiartoq.
Titartagaq 1. Nioqqutissanik eqqussuinerup annissuinerullu BNP-mut sanilliunnerat, akit ingerlaavartut
Malugiuk.: 2003-2008-mi kisitsisit inaarutaasuupput, 2009-2011-mili kisitsigallarnerullutik.
Najoqqutaq: Naatsorsueqqissaartarfik
2009-mi avataanit niueqateqarneq annikilleriarpoq, tamannali 2010-mi mumippoq.
Avataanit eqqussuinerup nioqqutissanut kiffartuussissutinullu agguataarnera qiviaraanni takuneqarsinnaavoq, avataanit eqqussuinerup qaffariarujussuarneranut peqqutaanerpaasoq kiffartuussissutit avataani pisiarineqartut annertusinerat. Avataanit kiffartuussissutinik pisiortorneq pingaarnertut uuliasiulersinnaanermut misissueqqissaarnermi aningaasaliinermit aallaaveqarpoq, tamakkulu suliffeqarfinnit avataaneersunit suliarineqarput, taamaammallu avataanit eqqussuinertut isigineqarlutik.
Titartagaq 2. Nunanik allanik niueqateqarneq, akit ingerlaavartut
Malugiuk.: 2003-2008-mi kisitsisit inaarutaasuupput, 2009-2011-mili kisitsigallarnerullutik.
Najoqqutaq: Naatsorsueqqissaartarfik
Titartagaq 3-mi takutinneqarpoq piffissami 2003-mit 2011-imut, nunanik allanik niueqateqarnermi akit nikingassutaasa ineriartornerat. Nunanik allanik niueqateqarnermi akit nikingassutaat naatsorsorneqartarpoq avammut tunisat nalingisa ineriartornerat avataanit eqqussukkat akiisa ineriartornerannik agguarlugu, taamaalilluni takuneqarsinnaanngortarpoq nunap iluani tunisassiat akiisa nunat allat tunisassiaasa akiinut unammillersinnaanersut.
Titartagaq 3. Nunanik allanik niueqateqarnermi akit nikingassutaat
Malugiuk.: 2003-2008-mi kisitsisit inaarutaasuupput, 2009-2011-mili kisitsigallarnerullutik.
Najoqqutaq: Naatsorsueqqissaartarfik